Stofnfundur Verkalýðsfélags Vestfirðinga (Verk-Vest) var haldinn í Alþýðuhúsinu á Ísafirði þann 21. september 2002. Þá hafði starfsstjórn þeirra sex verkalýðsfélaga sem samþykkt höfðu sameiningu starfað frá 24. janúar sama ár. Þessi félög voru:
Verkalýðs- og sjómannafélag Álftfirðinga Súðavík
Verkalýðsfélag Hólmavíkur
Verkalýðsfélagið Baldur, Ísafirði
Verkalýðsfélagið Brynja, Þingeyri
Verkalýðsfélagið Skjöldur, Flateyri
Verkalýðsfélagið Vörn, Bíldudal

Á stofnfundinum höfðu eftirtalin þrjú félög slegist í hópinn:
Verslunarmannafélag Ísafjarðar
Verkalýðsfélag Patreksfjarðar
Sveinafélag byggingamanna Ísafirði

Á árinu 2003 bættust eftirtalin fjögur verkalýðsfélög undir hatt Verk Vest:
Verkalýðs- og sjómannafélag Tálknafjarðar
Verkalýðs- og sjómannafélagið Grettir, Reykhólum
Verkalýðsfélag Kaldrananeshrepps, Drangsnesi
Verkalýðs- og sjómannafélagið Súgandi, Suðureyri

Í ársbyrjun 2005, gekk
Sjómannafélag Ísfirðinga til liðs við sameinað félag.

Fyrstu stjórn Verk-Vest skipuðu:
Formaður: Pétur Sigurðsson.
Varaformaður: Helgi Ólafsson.
Ritari: Finnbogi Sveinbjörnsson.
Gjaldkeri: Karitas Pálsdóttir.
Varamenn: Jónina Guðmundsdóttir, Hilmar Pálsson, Ragnheiður H. Ingadóttir og Kristjana Ósk Hauksdóttir.

Finnbogi Sveinbjörnsson var kjörinn formaður félagsins árið 2007.

Deildir og formenn deilda árið 2003:
Verkalýðsfélagið Baldur: Róbert B. Jóhannesson.
Verslunarmannafélag Ísafjarðar: Finnur Magnússon.
Verkalýðsfélag Patreksfjarðar: Halldór Gunnarsson.
Verkalýðsfélag Hólmavíkur: Þröstur Áskelsson.
Verkalýðsfélagið Brynja: Gunnhildur Elíasdóttir.
Verkalýðsfélagið Vörn: Sólrún B. Aradóttir.
Verkalýðsfélagið Skjöldur: Þorkell Ingvason.
Sveinafélag byggingamanna: Guðjón Harðarson.
Verkalýðs- og sjómannafélag Álftfirðinga: María Kristófersdóttir.
Verkalýðs- og sjómannafélag Tálknafjarðar: Símon Viggósson.
Verkalýðs og sjómannafélagið Grettir: Ásdís A. Sigurdórsdóttir.
Verkalýðsfélag Kaldrananeshrepps: Sigurmunda Ásbjörnsdóttir.
Verkalýðs- og sjómannafélagið Súgandi: Lilja R. Magnúsdóttir.

Aðeins þrjú verkalýðsfélög á Vestfjörðum standa utan við Verk Vest, það eru: Verkalýðs- og sjómannafélag Bolungarvíkur, Félag járniðnaðarmanna á Ísafirði og Verkalýðsfélag Hrútfirðinga, Borðeyri.  Vélstjórafélag Ísafjarðar, stofnað 24. janúar 1932, var áður meðlimur ASV. Það rann inn í Vélstjórafélag Íslands. Verkalýðsféalg Sléttuhrepps, Verkalýðsfélag Árneshrepps og Verkalýðsfélag Nauteyrarhrepps störfuðu áður innan ASV, en eru öll hætt starfsemi. Verslunarmannafélag Bolungarvíkur sameinaðist Verslunarmannafélagi Ísafjarðar í júní 1995 og eru verslunarmenn í Bolungarvík því meðlimir í sameinuðu félagi.