Skutull - Fr�ttir

Vegurinn nor�ur � �rneshrepp opinn

Sat, 04 Feb 2012 13:05:00 +0000

Vegurinn norður í Árneshrepp var opnaður í gær. Ákvörðun um það var tekin í innanríkisráðuneytinu. Vegagerðin byrjaði að ryðja veginn norður frá Bjarnarfirði á miðvikudaginn og komst þá í Veiðileysu. Á fimmtudag var haldið á um Veiðileysuháls yfir í Djúpavík. Leiðin um Reykjafjörð frá Djúpavík og út að Gjögri var mokuð beggja megin frá, en þar eru margar skriður og ófærur. Sveitarfélagið Árneshreppur þarf að borga helminginn af kosnaði við moksturinn á þeirri leið, segir á fréttavefnum litlahjalla.is. Þar er haft eftir Guðbrandi Albertssyni snjómoksturmanni að Kjörvogshlíðin væri bara eitt snjóflóð og væri hann búin að fara í gegnum 5 flóð á stuttum kafla. Þrátt fyrir það tókst að opna veginn í gær. Á korti Vegagerðarinnar má sjá að þæfingur er á hálsunum yfir í Bjarnarfjörð og Djúpavík og hálka í Kjörvogshlíðinni.

Fært er á öllum leiðum á Vestfjörðum, nema á milli Þingeyrar og Barðastrandar, um Hrafnseyrarheiði og Dynjandisheiði. Víða er hálka á vegum og þæfingur á Þröskuldum og Klettshálsi.

Mist�k � �lagningu fasteignaskatts � �safjar�arb�: B�jaryfirv�ld f�ru fram �r l�gum!

Fri, 03 Feb 2012 14:15:00 +0000

Mistök voru gerð við álagningu fasteignaskatta í Ísafjarðarbæ fyrir árið 2012. Við gerð fjárhagsáætlunar var ákveðið að lækka álagningarprósentu vatnsgjalds og holræsagjalds, en hækka þess í stað álagningu fasteignaskatts. Þessir þrír skattar ásamt sorpgjöldum og lóðarleigu kallast einu nafni fasteignagjöld. Eftir að álagningarseðlar voru sendir út í síðustu viku, kom í ljós að Ísafjarðarbær hafði farið fram úr lögum varðandi hámark leyfilegs fasteignaskatts á íbúðarhúsnæði. Leyfileg hámarksálagning fasteignaskattsins er 0,625% af fasteignamati, en ekki 0,65 eins og bæjarstjórn Ísafjarðarbæjar hafði samþykkt. Þetta þarf að leiðrétta. Reiknað er með því að það verði gert með því að lækka fasteignaskattinn, en hækka um leið vatnsgjaldið, þannig að álagning fasteignagjalda í heild verði sú sama. Það þarf að leggja fyrir bæjarstjórn.

Á heimasíðu Ísafjarðarbæjar er yfirlýsing frá Daníel Jakobssyni bæjarstjóra, þar sem hann útskýrir mistökin sem urðu við álagningu fasteignagjalda og biður jafnframt íbúa sveitarfélagsins velvirðingar á þessum mistökum bæjaryfirvalda:

Yfirlýsing bæjarstjóra Ísafjarðarbæjar
Þau leiðu mistök urðu við ákvörðun um álagningu fasteignagjalda að fasteignaskattur, sem er ein þriggja prósentuálagninga fasteignagjalda, var hækkaður meira en til stóð. Ætlunin var að hækka fasteignaskatt í lögbundið hámark en lækka vatns- og holræsagjöld á móti svo heildarútkoman yrði sú sama fyrir húseigendur, eða 1,08% af fasteignamati.

Þessi mistök eru sérstaklega hvimleið með tilliti til þess að álagningu fasteignagjalda er lokið og þýðir þetta að leggja þarf á að nýju. Ætlunin er að jafna út vatnsgjald til móts við fasteignaskatt þannig að niðurstaðan verði sú sama, heildarálagning upp á 1,08% af fasteignarmati sem er sama prósentutala og árið 2011. Heildarupphæð greiðenda ætti því að vera óbreytt og þurfa þeir sem hafa þegar greitt sín fasteignagjöld engu að breyta.

Það skal tekið fram að þessar breytingar eru tilkynntar með fyrirvara um samþykki bæjarstjórnar Ísafjarðarbæjar.

Álagningin verður aðgengileg á www.island.is, en einnig er hægt að óska eftir nýjum seðlum með því að hafa samband við innheimtufulltrúa á innh@isafjordur.is eða í síma 450-8000.

Fasteignagjöld íbúðarhúsnæðis 2011 og 2012

                                  2011      2012(núna)   2012 (eftir fyrirh. breyt.)
Fasteignaskattur    0,45%    0,65%            0,625%
Holræsagjald         0,33%    0,25%            0,25%
Vatnsgjald               0,30%    0,18%           0,205%
Fasteignagjöld
samtals                  1,08%    1,08%            1,08%

Beðist er velvirðingar á þessu.

Fimm i�na�armenn stofna Tr�smi�ju �safjar�ar ehf.

Fri, 03 Feb 2012 09:30:00 +0000

Fjórir fyrrum starfsmenn Trésmiðjunnar TH ásamt Hjálmari Guðmundssyni trésmíðameistara, vinna nú að því að endurreisa glugga- og innréttingasmiðju á Ísafirði undir nafninu Trésmiðja Ísafjarðar ehf. Þeir sem standa að fyrirtækinu eru Halldór Antonsson, Vignir Guðmundsson, Júlíus Ólafsson og Einar Björnsson, auk Hjálmars, sem er Ísfirðingur en hefur búið og starfað á höfuðborgarsvæðinu síðustu ár. Trésmiðja Ísafjarðar mun starfa í sama húsnæði og TH við Sundahöfn á Ísafirði. Fimmmenningarnir hafa samið við þrotabú TH og veðhafa um kaup á vélum og tækjum og munu setja vélarnar af stað næstu daga. Þeir segjast þegar hafa náð sér í verkefni til að hefja reksturinn og vera vel í stakk búnir til að bjóða í verkefni á sviði innréttinga um allt land.

Endurreisn trésmiðjunnar er mikið gleðiefni fyrir Ísafjörð, þar sem mikil reynsla og þekking er falin í faglærðum starfsmönnum fyrirtækisins, sem annars gæti tapast úr samfélaginu. Skutull.is óskar þeim félögum og nýju fyrirtæki þeirra bjartrar framtíðar.

N�r togari til �safjar�ar: �SBJ�RN kominn til heimahafnar

Thu, 02 Feb 2012 19:13:00 +0000

Frystitogarinn Ísbjörn ÍS 304 er kominn til heimahafnar á Ísafirði í fyrsta sinn. Togarinn kom til Ísafjarðar síðdegis í dag, eftir að hafa verið í slipp í Reykjavík í nokkrar vikur. Togarinn er í eigu rækjuvinnslunnar Kampa ehf. og útgerðarfyrirtækisins Birnir ehf. Aðaleigandi þeirra er Jón Guðbjartsson útgerðarmaður. Ísbjörn mun fara til rækjuveiða á úthafsmiðum norður af Íslandi og við Kanada og færa hráefni til rækjuvinnslu Kampa á Ísafirði.

Útgerðarfélagið Birnir ehf. á fyrir togarana Gunnbjörn og Valbjörn. Með Ísbirninum og eru Birnirnir því orðnir þrír. Um áramótin 1928-1929 komu fimm Birnir í fyrsta sinn til heimahafnar á Ísafirði, 41-45 brúttótonn að stærð, smíðaðir í Noregi fyrir Samvinnufélag Ísfirðinga. Árið síðar bættust tveir Birnir við. Birnirnir sjö voru stolt Ísfirðinga á erfiðum árum kreppunnar.

V�sindaport: Er pers�nuleg l�knisme�fer� m�guleiki � okkar framt��?

Thu, 02 Feb 2012 14:09:00 +0000

Er persónuleg læknismeðferð möguleiki í okkar framtíð? Þannig verður spurt í Vísindaporti Háskólaseturs Vestfjarða á Ísafirði, föstudaginn 3. febrúar kl. 12.10. Þá mun Dr. Betty Gallucci fjalla um möguleika læknisfræðinnar á persónulegri meðferð. Möguleikinn á persónulegri lyfjagjöf varð að veruleika með tilkomu þekkingar á genamengi mannsins. Dr. Betty Gallucci er aðstoðardeildarstjóri hjúkrunarfræðideildar Háskólans í Washington, Seattle í Bandaríkjunum. Sérfræðiþekking hennar snýr að krabbameinssjúklingum, hvernig líffræði æxla, ónæmisfræði og erfðafræði hafa áhrif á krabbameinsmeðferð. Vísindaportið fer fram á kaffistofu Háskólaseturs og er öllum opið. Að þessu sinni fer erindið fram á ensku.

Lyfjaerfðafræðin gerir mögulegt að sníða ávísun lyfja að hverjum einstaklingi fyrir sig. Með því að þekkja erfðafræði sjúklingsins á læknirinn að vera fær um að velja rétt lyf í réttum skömmtum. Með því að vita genasamsetningu æxlis, ætti að vera hægt að velja rétt lyf til að vinna á æxli einstaklingsins. En er einstaklingsmiðuð lyfjafræði barnaleg hugmynd? Er persónuleg lyfjagjöf raunhæf ef litið er til samþættingu á milli erfða einstaklingsins, frumna, efnaskipta, umhverfis og samfélags? Hver er raunveruleikinn? Ætti umræðan að vera um sjúklingsmiðaða lyfjagjöf?

G�� aflabr�g� Bolungarv�kurb�ta � jan�ar

Thu, 02 Feb 2012 08:50:00 +0000

Bátar í Bolungarvík fiskuðu vel í janúarmánuði, þrátt fyrir erfiða tíð. Alls var landað 1.176 tonnum í Bolungarvíkurhöfn í janúar og er það rúmlega 40% meiri afli en í janúar á síðasta ári. Þetta kemur fram á Víkaravefnum. Þegar 5 mánuðir eru liðnir af fiskveiðiárinu er landaður afli í Bolungarvík kominn yfir 7.400 tonn sem er 1.800 tonnum meira heldur en á sama tíma í fyrra. Stóru bátarnir voru aflahæstir í janúar, línuskipið Þorlákur ÍS með 184 tonn í 6 róðrum og togskipið Valbjörn ÍS með 109 tonn í 6 löndunum. Af minni bátunum voru 6 bátar með yfir 100 tonn í janúar. Það voru Hrólfur Einarsson ÍS með 134 tonn í 23 róðrum, Sirrý ÍS með 118 tonn í 23 róðrum, Vilborg ÍS með 115 tonn í 23 róðrum, Einar Hálfdáns ÍS með 114 tonn í 24 róðrum, Siggi Bjartar ÍS með 109 tonn í 20 róðrum og Guðmundur Einarsson ÍS með 104 tonn í 24 róðrum.

Þá var Bliki EA með 50 tonn í 12 róðrum, Gunnar Leós ÍS með 48 tonn í 12 róðrum og Snjólfur ÍS með 16 tonn í 6 róðrum. Einn netabátur landaði í Bolungarvík í janúar en það var Sædís ÍS sem var með 5,7 tonn í 9 róðrum. Þá var Páll Helgi ÍS með 27,3 tonn í 16 róðrum en þar af voru um 23 tonn af rækju úr Ísafjarðardjúpi en innfjarðarækju hefur ekki verið landað í Bolungarvík í meira en 10 ár.

Sex arkitektastofum bo�i� a� taka ��tt � samkeppni um n�tt hj�krunarheimili � �safir�i

Wed, 01 Feb 2012 15:40:00 +0000

Nefnd um byggingu hjúkrunarheimilis á Ísafirði hefur lokið við að meta þátttakendur í forvali vegna hönnunar hjúkrunarheimilis. Fjórtán arkitektar og arkitektastofur tóku þátt í forvalinu með því að leggja fram gögn um störf sín og reynslu á sviði hönnunar. Sex arkitektastofur voru valdar úr þeim hópi, eftir ákveðnu stigakerfi. Þessum sex stofum er boðið að taka þátt í samkeppni um hönnun hjúkrunarheimilisins. Þær eru í stafrófsröð: Arkitektur.is, Arkís arkitektar, AVH ehf., Batteríið arkitektar ehf., VA arkitektar ehf. og Yrki arkitektar.

Í matsnefnd Ísafjarðarbæjar sátu: Eiríkur Finnur Greipsson, Magnús Reynir Guðmundsson, Svanlaug Guðnadóttir. Bygginganefnd hjúkrunarheimilis vinnur nú að gerð útboðsgagna arkitektahönnunar í samvinnu við verkfræðistofuna Verkís. Útboðsgögnin verða væntanlega send út strax eftir helgi.

Hornstrandir og hvalasko�un: Tv�r meistarapr�fsritger�ir kynntar � H�sk�lasetri � dag

Wed, 01 Feb 2012 10:40:00 +0000

Í dag, miðvikudaginn 1. febrúar, fara fram tvær kynningar á meistaraprófsritgerðum við Háskólasetur Vestfjarða. Klukkan 14.00 mun Sara Martin kynna ritgerð sína An Assessment of Unregulated Whale Watching Activities on Skjálfandi Bay, Iceland og klukkan 16.00 kynnir Vilma Inkeri Kuliala ritgerð sína Wilderness and Human Influence in the Hornstrandir Nature Reserve. Erindin fara fram á ensku.

Sara hefur áður kynnt efni ritgerðar sinnar í opnum fyrirlestri við Háskólasetrið í haust. Leiðbeinandi hennar er Brad Barr, stundakennari við Háskólasetur Vestfjarða og prófdómari Gísli Víkingsson, sérfræðingur hjá Hafrannsóknastofnun.

Verkefni Vilmu Kuliala snýr að því að kanna hve vel Ib flokkun Alþjóðasamtaka um náttúruvernd (International Union for Cnsercation of Nature) um ósnortin svæði passar við Hornstrandafriðlandið. Í þessu augnarmiði kannaði Vilma viðhorf hagsmunaaðila til áhrifa sem mannleg starfsemi af ýmsu tagi hefur á upplifun fólks af svæðinu sem ósnortins víðernis. Leiðbeinandi Vilmu er Brad Barr og prófdómari er Dr. Þorvarður Árnason, forstöðumaður Rannsóknaseturs Háskóla Íslands á Hornafirði.

Frekari upplýsingar um kynningar meistaraprófsritgerða við Háskólasetrið sem fram fara á næstunni má nálgast á heimasíðu Háskólaseturs.

Vegager�in augl�sir innan t��ar �tbo� � n�jum vegi um M�lasveit

Wed, 01 Feb 2012 07:17:00 +0000

Vegagerðin mun í þessari viku kynna útboð á nýjum vegi um Múlasveit í Barðastrandarsýslu, frá Þverá í Kjálkafirði að Eiði í Vattarfirði. Útboðið verður fyrst kynnt á Evrópska efnahagssvæðinu og síðar auglýst innanlands mánudaginn 13. febrúar. Samkvæmt nýrri samgönguáætlun, sem lögð hefur verið fram á Alþingi á að veita einum milljarði króna á ári í nýja veginn, næstu þrjú árin. Þetta er eitt stærsta verkefnið í vegagerð hér á landi næstu árin. Verktakakostnaður er áætlaður á annan milljarð króna og heildarkostnaður um þrír milljarðar króna. Þetta kom fram á mbl.is í gær. Vegurinn verður lagður 2012-2014 en að fullu lokið á árinu 2015. Nýi vegurinn mun stytta leiðina um 7 kílómetra, vegna þverunar innarlega í Kjálkafirði og Mjóafirði inn af Kerlingafirði.

�gmundur segir koma til greina a� endursko�a reglur um snj�mokstur

Tue, 31 Jan 2012 13:30:00 +0000

Ögmundur Jónasson, innanríkisráðherra segir vel koma til greina að endurskoða reglur um snjómokstur til smærri byggðarlaga. Hann ætlar að óska eftir greinargerð frá Vegagerðinni og ráðuneytinu um hver kostnaðarauki vegna snjómoksturs hafi verið í vetur. Þetta kom fram í umræðum á Alþingi vegna fyrirspurnar Einars K. Guðfinnsson, þingmanns Sjálfstæðisflokks um snjómokstursreglur og sérstaklega um mokstur norður í Árneshrepp. Árneshreppur býr við svokallaða G-reglu þar sem ekki er mokað frá janúar til apríl, nema sérstaklega standi á eða sveitarfélagið eða aðrir greiði helminginn af kostnaði við að opna veginn. Í Árneshreppi búa 40-50 manns sem ekki geta komist að og frá byggðinni yfir veturinn þegar ófært er landleiðina, nema með flugi tvisvar í viku.