Stjórn Verk Vest hvetur stjórn Lífeyrissjóðs Vestfirðinga til að leggja spilin á borðið og upplýsa hinna almenna sjóðfélaga um hvert hið raunverulega tap sjóðsins á tímabilinu 2005 - 2010 var, og hve mikil skerðing á réttindum hefur orðið þegar til lengri tíma er litið. Við skulum leggja alla hræsni til hliðar og vera þess minnug að við sjálf gerðum þá kröfu að okkar sjóður skilaði sambærilegri eða jafnvel hærri ávöxtun en raunhæft var að gera til langtímasparnaðarforms, eins og lífeyrissparnaður vissulega er. Eftir því sem ávöxtunin varð hærri urðu líkurnar á djúpri niðursveiflu einni meiri ef fjármálakerfi landsins fengi áfall líkt og gerðist í bankahruninu 2008.

Þrátt fyrir þá erfiðu stöðu sem lífeyrissjóðirnir hafa staðið frammi fyrir frá árinu 2008 má ekki gleymast að Lífeyrissjóði Vestfirðinga tókst þrátt fyrir allt að standa hrunið að mestu af sér, sem er meira en hægt er að segja um banka og sparisjóði landsmanna. Þetta sýnir ársreikningur sjóðsins fyrir árið 2010 borið saman við árin fyrir hrun. Þar má sjá að hrein eign til greiðslu lífeyris í lok árs 2010 var 26,2 milljarðar króna og hafði lækkað um 1,2 milljarða króna frá árslokum 2007. Þessi mikli viðsnúningur réttlætir þó ekki það mikla tap sem sjóðurinn varð fyrir. En nánast ógjörningur var að bregðast við þeim áföllum án þess að eitthvað yrði undan að láta.

Stjórn Verk Vest stefnir að því að kalla saman fulltrúaráð félagsins í Lífeyrissjóði Vestfirðinga þegar línur eru farnar að skýrast betur, til að fara yfir niðurstöður úttektarnefndarinnar. Stjórn félagsins telur það skyldu þess að sjá til að sjóðfélagar verði upplýstir á mannamáli um stöðu sjóðsins og þeim þannig sýnt fram á hvernig stjórn sjóðsins hafi brugðist við til að koma í veg fyrir að slík staða geti komið upp að nýju.“

Veittur er frestur til að gera athugasemdir við frumvarpsdrögin fram til 18. febrúar 2012. Óskað er eftir að athugasemdir verði settar skilmerkilega fram og með vísan til tiltekinna greina frumvarpsins, þegar það á við. Athugasemdir sendist í tölvupósti á: postur@mrn.is með efnislínunni: „Breytingar á lögum um Ríkisútvarpið".

Helstu nýmæli í drögunum eru:

· Aukin áhersla er lögð á almannaþjónustuhlutverk Ríkisútvarpsins og hlutverki þess og skyldum lýst á ítarlegri hátt en í gildandi lögum, einkum með tilliti til samfélagslegs-, lýðræðislegs- og menningarlegs hlutverks.
· Takmarkanir á sjónvarpsauglýsingum, sem skerða munu tekjur Ríkisútvarpsins af birtingu auglýsinga um 15%.
· Innheimtar tekjur af útvarpsgjaldi renni óskiptar til Ríkisútvarpsins.
· Skilið verði á milli fjölmiðlaþjónustu í almannaþágu og annarrar starfsemi. Gert er ráð fyrir að öll starfsemi, sem ekki fellur undir hið fyrr nefndafari fram í dótturfélagi Ríkisútvarpsins og falli undir lögsögu samkeppnisyfirvalda.
· Mælt er fyrir um sérstaka vernd í starfi fyrir starfsmenn fréttastofu og dagskrárgerðarmenn til að tryggja sjálfstæði þeirra í starfi.
· Lagðar eru til breytingar á skipan og fyrirkomulagi við val á stjórn Ríkisútvarpsins. Mennta- og menningarmálaráðherra tilnefnir formann stjórnar og starfsmannasamtök Ríkisútvarpsins tilnefna einn fulltrúa. Aðrir stjórnarmenn, fimm að tölu, verða tilnefndir af valnefnd, sem skipuð verði fulltrúum Alþingis, Bandalags íslenskra listamanna og samstarfsnefnd háskólastigsins. Tilgangurinn er að tryggja að í stjórn skipist fulltrúar með breiða þekkingu og/eða reynslu sem áskilin verði í lögum.
· Mælt er fyrir um aukið aðgengi sjón- og heyrnarskertra að fjölmiðlaþjónustu í almannaþágu.
· Umsjón með eignarhluta ríkisins í Ríkisútvarpinu færist frá fjármálaráðherra til mennta- og menningarmálaráðherra.
· Skýrar er mælt fyrir um skil á milli verksviðs stjórnar og útvarpsstjóra en gert er í gildandi lögum.
· Mat á frammistöðu Ríkisútvarpsins á sviði fjölmiðlaþjónustu í almannaþágu verði í höndum fjölmiðlanefndar.

Nefnd um endurskoðun laga um Ríkisútvarpið var skipuð þann 10. mars 2011. Með erindisbréfi var henni falið að vinna nýtt frumvarp þar sem tekið er mið af tillögum starfshóps mennta- og menningarmálaráðherra um almannaútvarp á Íslandi frá byrjun árs 2010 og athugasemdum Eftirlitsstofnunar EFTA við núgildandi lög um Ríkisútvarpið ohf. nr. 6/2007 ásamt samningi um útvarpsþjónustu í almannaþágu. Jafnframt var nefndinni ætlað að taka afstöðu til hvort auka þyrfti sjálfstæði Ríkisútvarpsins, sem fjölmiðils í almannaþágu og hvort stofna ætti sérstakt dótturfélag um þá starfsemi, sem ekki félli undir fjölmiðlaþjónustu í almannaþágu. Þá var nefndinni ætlað að leita leiða til að auka gagnsæi í rekstri Ríkisútvarpsins, auka lýðræði í stjórnarfyrirkomulagi þess, leita leiða til að auka sjálfstæði og starfsöryggi starfsmanna Ríkisútvarpsins við fréttir og tengda dagskrárgerð, fjalla um ábyrgð mennta- og menningarmálaráðherra á opinberu hlutafélagi um rekstur Ríkisútvarpsins, fjalla um hlutverk stjórnar og skipunar hennar auk þess að greina kosti og galla þess að breyta rekstrarformi Ríkisútvarpsins.

Íbúð þessi er gerð af okkur bræðrum, Bergsveini Guðmundssyni trjesmið og Kristjáni Guðmundssyni verksmiðjustj. á tímabilinu febr. - apríl árið 1927. Eigendur þessa húss eru nú: Helgi Guðmundsson bakari bróðir okkar og Árni J. Árnason. Keyptu þeir húsið af h/f Hinar sameinuðu ísl. verslanir sumarið 1926. Þar áður átti eignina Á. Ásgeirsson verslun um langt skeið. Fjekk hún hana af norskum manni, Soli, er ljet byggja húsið og stofnaði bakaríið.

Efri hæðin af þessari álmu hússins er þó byggð síðar, nokkru fyrir aldamót af Jóakim Jóakimssyni trjesm. Hefur það rúm verið notað fyrir geymslu þar til nú. Þessi íbúð er ætluð móður okkar, Kristínu Friðriksdóttur, og okkur.

Það er allra ætlan, að aldrei áður hafi atvinnuleysi og fjárskortur þrengt svo kosti íbúa þessa bæjar sem nú. Við óskum og vonum að þegar þetta blað kemur næst fyrir mannaaugu verið ástandið betra og horfurnar glæsilegri. Við sendum yður kærar kveðjur, þjer óþektu smiðir sem að rífið þetta hús, og gagnið þannig lögmáli þróunarinnar: Að bylta og byggja betur á ný.

Vinsamlegast
Ísafirði 3. apríl 1927
Bergsv. Guðmundss. Kr. Guðmundsson."

Þetta má lesa á safnavef Ísafjarðarbæjar.

- Halli ríkissjóðs hefur lækkað úr 216 millljörðum króna frá 2008 í 20 milljarða á yfirstandandi ári.
- Verðbólgan hefur lækkað úr 18% í 6%,
- vextir hafa lækkað,
- hagvöxtur er nú orðinn meiri hér en í OECD löndum (var 3-4% á síðasta ári, mun meiri en spáð hafði verið),
- útflutningsverðmæti hafa aldrei verið meiri,
- vöruskiptajöfnuðurinn er hagstæður,
- vöxtur í ferðaþjónustu er sá mesti sem þekkist hérlendis,
- kaupmáttur hefur aukist,
- kjarasamningar hafa náðst,
- skuldirnar lækka sem hlutfall af landsframleiðslu,
- atvinnuleysið minnkar,
- ráðstöfunartekjur hækka,
- jöfnuður hefur aukist í samfélaginu
- og væntingavísitalan hefur hækkað,
- vanskilahlutfall skulda er nú svipað og 2004, sem þótti gott ár,
- heildarskuldir hafa lækkað sem hlutfall af landsframleiðslu úr 130% í 110%.

Sumsé: Ísland er ekki lengur að kljást við efnahagskreppu.

Sérfræðingar greiningardeildann segja að langtímahorfurnar séu mjög góðar í efnahagslífinu.

Þetta gefur okkur vonir um að hægt verði að koma frekar til móts við þá samfélagshópa sem verst fóru út úr hruninu - en það tekur lengri tíma en þrjú ár.

En þó að skaðinn hafi ekki verið - og verði sjálfsagt aldrei - bættur til fulls er ólíkt bjartara um að litast nú en áður.

Kreppan er nefnilega búin.

2. Kristín Martha Hákonardóttir frá Verkís fer yfir frumathugun.

3. Böðvar Þórisson frá Náttúrustofu Vestfjarða kynnir Frummatsskýrslu.

4. Erla Bryndís Kristjánsdóttir frá Teiknistofunni Eik kynnir landmótun, tillögu að mótvægisaðgerðum.

Á hátíðinni í sumar 2012 verður tekin upp sú nýbreytni að allar myndir hátíðarinnar verða sýndar með enskum texta. Þetta er nýbreytni sem sprettur í fyrsta lagi af þeim mörgu fyrirspurnum aðstandendur hátíðarinnar hafa fengið um hvaða myndir séu aðgengilegar þeim sem ekki skilja íslensku, og í öðru lagi er það mikilvægt hverri kvikmyndahátíð að vera aðgengileg sem flestum. Þess vegna er sú breyting gerð nú að að öllum sýningareintökum verður að skila inn með enskum texta.