Ísafjarðarkirkja. Mynd Ágúst Atlason

Séra Sigríður Guðmarsdóttir prédikar í messu í Ísafjarðarkirkju á sunnudaginn, 22. janúar, klukkan 11.  Sigríður er einn þeirra presta sem gefa kost á sér til embættis biskups á Íslandi.  Á sunnudag gefst því tækifæri til að hlýða á boðskap hennar.  Sigríður hefur verið gagnrýnin á yfirvöld kirkjunnar á síðustu misserum og hvernig kirkjan hefur brugðist við siðferðilegum brotum kirkjunnar þjóna, sérstaklega gagnvart konum.  Nýr biskup verður kosinn í vor, af þar til bærum kjörmönnum, vígðum prestum og fulltrúum sóknarnefnda á landinu öllu.