Innritun í tónlistarnám og dans er enn í gangi hjá Listaskóla Rögnvaldar Ólafssonar í Edinborgarhúsinu.  Auk tónlistarkennslunnar og dansins, verða ýmis námskeið í boði í vetur.  Þar má nefna námskeið með Huldu Leifsdóttur í flókagerð (hattar, treflar, pottaleppar og fleira), grunnkennslu í sápugerð þar sem eingöngu verða notuð náttúruefni og japanskt bókband, þar sem búnar eru til bækur úr pappír og bundnar með bandi eða garni.  Þá ætlar Henna-Riikka Nurmi danskennari við Listaskólann að vera með námskeið fyrir foreldra og börn undir þriggja ára aldri. Einnig verða námskeið í dansi þar sem 20 ára og eldri geta komið og prófað að dansa ballett, jassdans eða nútímadans.

 

Loks má nefna að í undirbúningi er stofnun vatnslitasamtaka Listaskólans og eru áhugasamir beðnir um að skrá sig á vefnum eða hringja í síma 456-5444 eða 864-2998.

Deila á Facebook