Agnes M. Sigurðardóttir, sóknarprestur í Bolungarvík og prófastur á Vestfjörðum, hefur opnað vef í tilefni af framboði hennar til biskupkjörs íslensku þjóðkirkjunnar.  Vefslóðin er http://sragnes.is/  og þar má finna kynningarmyndband með séra Agnesi, áherslur hennar vegna biskupskjörsins og umfjöllun um kristna trú og málefni kirkjunnar. Á vefnum fjallar sr. Agnes einnig um orð dagsins úr Biblíunni og svarar ýmsum spurningum sem beint hefur verið til biskupskandídata.

Fyrri umferð í biskupskjöri fer fram með bréflegri kosningu í næsta mánuði. Ef enginn einn frambjóðandi fær meirihluta atkvæða, verður kosið aftur á milli þeirra tveggja sem flest atkvæði fá. Í síðustu viku lýsti séra Örn Bárður Jónsson sóknarprestur við Neskirkju í Reykjavík yfir framboði sínu til biskups. Hér má sjá yfirlýsingu Arnar Bárðar. Örn Bárður er fæddur og upp alinn á Ísafirði, rétt eins og Agnes M. Sigurðardóttir.
Deila á Facebook