Unglingarnir í Súðavík stilla upp fyrir Samvest í kvöld

Í kvöld, föstudagskvöld, verður Samvest, undankeppni Samfés á Vestfjörðum, haldin í fyrsta skipti í Súðavík.  Auk þátttakenda frá félagsmiðstöðinnni í Súðavík, keppa fulltrúar félagsmiðstöðvanna á Hólmavík og í Ísafjarðarbæ.  Mikill spenningur ríkir fyrir keppninni, enda hafa síðustu Samfés keppnir verið vel heppnaðar og mörg flott og fjölbreytt tónlistaratriði komið þar fram.  Það eru krakkarnir í Félagsmiðstöðinni Títan í Súðavík, sem sendu okkur þessa frétt og myndina sem fylgir.  Skutull.is þakkar fyrir og óskar öllum keppendum í Samfés-hæfileikakeppninni góðs gengis.